Ka dib isbuuc ay abaalmarino shaqsiyadeed heleen, Barcelona ayaa caawa u jeesaneysa lugta labaad ee wareega 16ka Copa del Rey ee ay la leeyihiin Corodoba.

Lionel Messi ayaa markii afaraad oo isku xigta ku guuleystay isniintii abaalmarinta Ballon d’Or, halka saaxiibadiisa ay inta badan ku jireen kooxda sannadka FIFPro World XI.

Laakiin waxaa haatan taas uga daran kulanka ay kooxda heerka labaad ku soo booqaneyso Camp Nou, iyagoo lugta hore ku soo badiyay 2-0.

Tito Vilanova ayaan caawa xaadiri doonin ciyaartaan ay kooxdiisa qarka u saaran tahay inay u gudubto wareega 8da Copa del rey isagoo dhaqtar takhasus ah kula kulmaya New York, laakiin line-up xoogan ayaa laga yaabaa inay Barcelona soo xulato si ay ciyaartoyda u heleen waqti ay ku ciyaaraan madaama ay labo isbuuc fasax qaboobaha ah ku jireen.