Gareth Bale ayaa ku aamaanay Cristiano Ronaldo ciyaaryahanka ugu fiican dunida, iyadoo xiddiga reer Portugal uu seddexleey u dhaliyay mar kale kooxda Real Madrid.

Ciyaaryahan garabka ka ciyaara ee Tottenham ayaa Twitter ku soo qoray: “Seddexleey kale iyo Ronaldo! Waxaan qabaa inuu yahay ciyaaryahanka ugu fiican ciyaartoyda adduunka haatan #ballondor2013 :p”

Hadalka Bale ayaa imaaday ka dib markii kooxda Jose Mourinho ay si sahlan 4-0 kaga badisay lugta labaad ee wareega 16ka Copa del Rey kooxda Celta Vigo.

eddex gool oo ka timid kabtanka Portugal iyo gool soo daahay oo uu dhaliyay ciyaaryahanka khadka dhexe ee Jarmalka Sami Khedira, ayaana u xaqiijiyay kooxda heysata La Liga inay wadar ahaan labada lug ku badiso 5-2.

Ciyaaryahanka garabka uga ciyaara Tottenham Bale ayaa lala xiriirinayay inuu u dhaqaaqayo caasimada Spain ka dib xilli ciyaareed weyn oo uu kula riyaaqayo koxoda ka dhisan waqooyiga London.