Tito Vilanova ayaa go’aansaday inuu u duulo New York si uu u la kulmo dhaqtar takhasus ah oo ka howlgala Sloan-Kettering Memorial Hospital, si uu u soo helo fekrad labaad oo la xiriirta sida uu u soo kabsanayo ka dib markii buro laga saaray qanjirka candhuufta soo saara.Sloan Kettering Memorial Hospital ayaa waxaa gaasime ka ah dhaqtar ka soo jeeda Catalan Jose Baselga, kaasoo sidoo kale shaqo ka qabta cusbitaalka Vall d’Hebron University Hospital, oo ah meeshii xilli dhaweyd lagu qalay Vilanova.

Vilanova oo qaliin maray dhamaadkii sannadkii hore ayaa waxaa laga qalay buro ku soo laabatay isagoo qaliin maray sannad ka hor, waxaana qaliinkii labaad uu ahaa mid lagu guuleystay isagoo garoomada ku soo laabtay, laakiin waxa uu haatan doonayaa inuu xaqiijiyo sida ay xaaladiisa tahay.

Safarkaas dartiisana, tababaraha Barca ayaan qaban doonin kooxda Blaugrana kulanka habeen danbe ee Copa del Rey ee ay la ciyaarayan Cordoba.